.png)
Psixoloji təsirlər
Araşdırmalar göstərir ki, çox erkən yaşdan “kamera qarşısında performans göstərmək” uşaqlarda öz-dəyərin izləyici rəyləri və “like”larla ölçülməsinə səbəb ola bilər. Bu isə gələcəkdə özünüqiymətləndirmə problemlərinə yol aça bilər.
Stress və təzyiq
Daima “mükəmməl görünmək”, izləyici gözləntilərini qarşılamaq və valideyn təzyiqi uşaqlar üçün stres yarada bilər. Uşaq özünü oyunda, təcrübədə yox, performansda inkişaf etdirir, bu isə təbii inkişaf prosesini pozur.
Məxfilik və təhlükəsizlik
Onların fotoları, videoları və həyati detalları internetdə daima qalır. Bu isə gələcəkdə məxfilik pozuntuları, kiberbullinq və xoşagəlməz istifadə risklərini artırır. Uşaq bu nəticələrin məsuliyyətini anlamaq yaşında olmur.
Sosial bacarıqlara təsir
Ekran qarşısında çox vaxt keçirmək və kamera üçün davranış formalaşdırmaq real sosial bacarıqların (dostluq, oyun, ünsiyyət) zəifləməsinə səbəb ola bilər. Uşaq “rol oynamağı” öyrənir, “özünü ifadə etməyi” yox.
Valideynlər üçün tövsiyələr
* Uşağın sosial mediadan istifadəsini nəzarətdə saxlayın, yaşına uyğun məzmun seçin.
* Influenserlik uşağın arzusu olmalıdır, valideyn ambisiyası yox.
* Uşağın məxfiliyini qoruyun, şəxsi həyatı paylaşmayın.
* Alternativ fəaliyyətlər təklif edin: oyun, idman, yaradıcı işlər.
* Uşağın dəyərini rəqəmlərlə deyil, şəxsiyyəti və bacarıqları ilə əlaqələndirin
